Havaktuliriyit

Havaktuliriyit kamayiuyut tamainnik
aulaninik turangayunik munarhinirmik
havaktulirinirmi NTI-aip iluaani.
NTI-kuni ilauingaqlugit Inuit havaktut
78%. Atauttimut 62% atanguyait iningnit
inulgit Inuinnanik. Ilautihimanngittut
Hivulliuqtit Ikayuqtiillu, 100%-nguyuq.
Havaktuliriyillu kamagiyait aulaniit
Nunatarhimayunut Pivikhautit, Inutuqait
Ikayuutait, Anngunahuaqtit Ikayuutait,
Huiyuqiliqtunut Takuyaqtuitjut Ting -
mitjut, Iluvikhiniaqtunut Tingmitjut,
Nunatuqaminut Aquitjut, Atiliurviglu.
Annirnirmit Huiqtunut Timikliqtunut
Insurans munaqtauyuq Nunavut
Ikayuutinik Kuapusiratkunit.
Turangayut havaktulirinirmut hapkuat
havaktukhaqhiurniq, munaqhugu havaktuhaqhiurniq
nutiriniglu havakvikhamut,
havaktuniglu pihimanahuarniq, havaktut
iniinnik qauyihainiq, havaktunik qauyihainiq
havaanginik, havaktunut ikayutinik
aulattiniq, havaktuliriniq, ilihainiq
ikayurniglu ilihagumayunik, ilittarimatjutiliriniq,
havaktunik qanurlikak
ikayuqtauyumayunik ikayurniq, pihimaniq
havaktut titigaqarviinnik, havaktut
ublut havakpagainik havnangittainiglu
munarhiniq, havaktulirinirmi titiqqiqiniq,
iluingaq havaktulirinirmi ikayuqturniq
malikhugu havaktulirinirmut atuagak.
Havaktuliriyitkuni ukuat havaktut
atanguyaq, havaktuliriyitjutinik munaqti,
ilihaknirmut piliriyi, titigaqtilu.
Havaktukhakhiurnirmi, havaktukhakhiuqpaktut
atanguyakhanik, turangayunik
ayunngittuliriyikhanik, aulattiyikhanik,
titigaqtikhanik tamainni hitamani afisini.
Havaktukhakhiuqpaktullu havakaffuktukhanik
himmautikhanigluuniit.
Havaktukhakhiurnirmut atuagait nutannguqtiqtauvaktut
atjigiigiangini.
Havaktuliriyitkullu ihuarhaiyiuyut
NTI-kut katimayigalaanginut ihivriuriyiuyunik
qauyihainirmi Hay Groupmiitunut
utiqtitivingnik havaamingnit.
Havaktuliriyillu munarhivaktut atuktauvakmangat
ihuaqtumik havaktunik
qaiyihainiq havaamingnullu havakpauhiinnik
havakpagiakhaita qaiyihainirmik
iniqtauvakgiakhaita atanguyanit, munaqtinit
tamainnut havaktunut.
Havaktunut Akiliuhiaganiglu ihivriurikattaqtut
naunainnaqtumik NTI
akiliqtuivagiakhaa havaktimingnik nalliutimayumik
allanut havarvinut atjigikgahuarlutik.
Hilaryuami atuqtauvaktunik
aturhutik qauyihaivaktut havaktuplu
pivaalliutaa timiuyumut ihumagiplugu
qanurinnialu havaknirmut itquhia
Nunavunmi.
Havaktunik ayuiqhautikhanik iliharvikhaniglu
piliriyikaktut kamagiyaqaqtumik
tuhaumainnaqtumik inungnit iliharviuyunilluuniit.
Ilihakvihaqautiplunilu
pinirluqtailinirmik havarvingmi ihivriurinirmiglu
pinirluniqarniqqat ihuittumik,
ikayukpakhunilu nutaannguqtiriuni
nutaanut havaliqtunut makpiganik,
ilittarimayutjutikhaliriplunilu, ihuak -
haivakhunilu ilihautikhainnik tapkuat
Anniqtailinirmut Havarvingmi Katima -
yigalaanut. Munarhugulu sikuktunik
havaktiqarniq (auyami sikuktut, ilihaq -
tulluuniit NTI-kuni.
NTI-kuni havaktut iliharutait:
• Siksit havaktut Iqalungnit, Kangi q -
hinirmit Ikaluktuttiamillu pinirluktailinirmut
ilihaqpaktut GN-kunit.
Ahiit nutannguqtirhugu NTI-kut
pinirluktailinirmut atuagangat.
• Pivikhautiliriyi ilihaqpaktuq GN-kuni
ninngaumayutigut tuniqhiumayutig -
ullu inungnik.
• Havaktuliriyitkuni munaqti ilihaqpaktuq
National Seminar Group-kunit
havaami mighaatigut.
• Iniqtirivaktut kingulinik maniktu -
utinik titigarvikhanik titiqqanik
Nunavut Hivumurinirmut Ilihaqtu -
liriyitkunut
• Ilihaqtuliriyi katimaqatauvaktuq Nuna -
vut Taiguyukhinirmut Katimayita katimaniannut
Nunavut Inirniit Ilihar -
viani.
• Ilihaqtuliriyilu katimaqataupluni
Nuna vut Federal Council Learning.
• Ihuarhaivaktuq NTI-kut Atanguyaat,
hivumuriyilu gavamalirinirmi inulir -
inirmilu ilihaqtuliriyilu ilauyangini
timiunirmut ilihaqtuni.
• Tunihihimayut tukhiunmik NITCkunut
$126,000-mik NTI-kuni hava -
anik ilihaktut akiliutikhainnik, ilihaktullu
akikhainnik, timiunirmullu iliharutikhanik.
• Tunihiplutiglu malguknik tukhiutinik
Kakivatkunut Kivalliq Panariiktunullu
auyami sikuktut iliharutaita akiliutik -
hainnik hitamat sikuktut havaanik
uktugiamingni Kangiqhinirmi Iqalu -
ng nilu afisiinni.
Huli havariyauyut – iniqtauyukhat
auyakkut 2006
• Ihuarhaklugu iliharvikhat ABRA Suites
(havaktunik akiliuhiakhaliugutit qarittauyakkut)
maniliqiyit havaktuliriyitkullu.
Ilihaqtukhat May 2006-mi.
• Iliharvikhamiglu havaani inigiyauyuni
havaanguyunik titigarnirmik kangiq -
hiannaqtumik nakuuyumiglu atuqpagiangini
tamaita NTI atanguyavaluit.
• Atuqpalirluni ilittarimatjutikhamik
havaktunik aitturlugillu havaktut
havamingnut havamingniglu kulautiplutik
havagaikpata. Imaa havagumainnaqnaqtumik,
havarvingmilu quvian -
aqtumik havaktunullu taimaqattarnaittumik.
• Nutaanguqtigiut havalihaqtunut hunngitinahuaqtunik
havakvikhamingnut
havamingnullu ublurmi ilihar vik -
haanik, makpiganik, ilitturiya uy -
ukhaniglu NTI-aip mighaagut ilautilugu
timiutjutaat, tatqiqhiutikkullu
havangit.
• Nutaanguqtilugu hadja atuqtauvaktuq
havaktut havaamignik qauyihaitjutait
tautumalugu timiuyup tikinnahuaqtait,
inmi havaktup tikittumayait, iluptingnilu
havaktuliriyinit pitquhiit.
ABRA Suites aulaligumi ilitturipkaivakniaqtuq
Havaktuliriyitkunik ihivriurinnaqhigangat
havaktup havakpauhianik.
• Prior Learning Assessment and Recog -
nition (PLAR) aturlugu ikayugiangini
havaktuq ilihaktamingnut ilittarimayauyangini
iliharvikyuanit ilihaqpaligumik
PLAR-kut ilihagakhiliugainnik
humilikak iliharvimingmi.
• Qanuq ilihagutikhanik timiunirmik
ilihautikhanik NTI-kut Katimayinnut
inikhiluta.

Nunavunmi Nunatarhimayut
Pivikhautait
Nunavunmi Nunatarhimayunut Pivik -
hautiliriyit ukuninga piliriut Inutuqait
Ikayuuhianginik havakti, Nunavunmi
Anngunahuaqtinut Ikayuuhiaginik
havakti, atiliurinirmi titgaqti, Pivikha -
utiliriyilu, tamaita havaktuliriyini Atan -
guyamut kiuvaktut.

Inutuqanut Ikayuut
Una pitjutauvaktut tatqihiut tamat
ikayunmik Nunavunmi Inungnut
Inutuqanut ikayuutikhak akiliqtuganut
niqit iglumut annuganullu. Tatqiqhiut
tamat akiliqtauvaktuq Inutuqanut inuuhimayunut
hivuagut Tisampa 31, 1948-
miluuniit. Inutuqaq 55-nguqtuq 2003
kinguagut pilimaittuq atuagak uqarhimangmat
inuuhimyagiaqaqtut hivuagut
1948. Tatqihiut tamat akiliqtuqtauvaktut
$90-mit $150-mut. Tamaita akiliqtauvaktut
maningnit piyauyunit kanataup Gavamat -
kunginit Nunavut Nunatarutaanillu.
Inuit atiliurhimayut Nunatarutikkut
inuuhimayut hivuagut Tisampa 31, 1948
–miluuniit pittaqtut Inutuqait Ikau -
utannik. Aulaqtitauvaktut tatqiqhiut
tamat Inutuqanut. Kaffiunia nalliutimayuq
ukiunganut Inutuqaup.
Ukiuq Tatqiqhiunmi
Annivia Akiliuhiak
1944 hivualuuniit $150
1945 $135
1946 $120
1947 $105
1948 $90
NTI ihuarhianiarhimayuq manngit
ilivikhainnut painmi Inutuqanut taima -
tut piumagumik auyakkut 2006.

Nunavunmi
Anngunahuaqtinut Ikayuut
Una ikayuut tuniuqqautauvaktuq Nunatarhimayunut
anngunahuarutikhanik pitjutikhaniglu
ihariahuktunut anngunahuarutikhanik,
mighuutikhanik tamayanigluuniit
ingilgaqnitanik qauyimayauyunik
pivaalliutikhanik.

Angiyunut Pivikhaut
Angiyunik Pivikhaut, maniqaqtitauyuq
Maningnik Tigumiaqtinit, ikayutikhaut
niuvgutikhanik sikitunik, qayanik, ingniqutinik,
haantanik anngunahuaqpaktunut
niuvrutikhamik ayurhaqtunik
anngunahuarnikkut inuuhiqariami.
2005 ukiumi, atauttimut 273 angiyut
hunavaluit niuviqtauyut akingat
$2,050,430.

Mikyunik Pivikhaut
Mikyunik Pivikhaut, maniqaqtitauyuq
Maningnik Tigumiaqtinit, ikayuutauniarhimayuq
mikiyunik tamayanik pitjutikhak
anngunahuaqpaktunut. Hapkuat
mikiyut niuviqtauvaktut nunauyaliritjutit
qaritauyalgit, nalautit, hilaryuakkutunik
talafuutinik, kuvanik, aularutikhanik
qipingnik, puptalagutinik annuganik,
miqhuq titaniglu. Mikiyut tamayat niuviqtauvaktut
uvaptingnit aulaqtitauplutik
Nunalingni Anngunahuaqtiti afisiinnut
niuvutikhat Nunatarhimayunut akikhilaqtauplutik.
2005 ukiumi, atauttimut 1,059 mikiyut
hunavaluit tuniuqqatauyut akilingmik
$345,954.06.

Nunaliit
Anngunahuaqtut Pivikhaut
Nunaliit Anngunahuaqtut Pivikhaut
ikayuutauniarhimayuq maniktigut Nunaliit
Anngunahuaqtiinnut ihuar haiyu -
mayunik anngunagutikhamik ikayurlugit
nunamiuttatik. Nunalingmi Annguna -
huaqtit Katimayit tuniyauttaqtut avatqu -
n gillu $3,000 nunamingnut anngunahu -
agumagumik.
2005 ukiumi, atauttimut $55,961.55 tuniuqqaqtauyuq.

Atugaksait Pivikhaut
(kinguani ilihimayauyugaluaq
turangapluni Arnanut)
Atugaksait Pivikhaut ikayuutauniarhimayuq
maniktigut ilihautikhanut anngunahuarnirmik,
anngunahuarnirmi qauyimayakhanik,
ingilgat miqhurnirmiglu
tamaqtailitjutauyunik Nunavunmiut
anngunahuaqpauhiinnik inuhiinniglu
nunalingni. Piliriakhat ihumagiyauvaktut
manikhanut pivaalliutauniaqtut ingilgat
Inuit anngunahuaqpauhiinik ikayuqturlutik
hulitjutauniaqtunik Inuit
iltiquhiit aturlugit. Atauttimut $100,920
atuqtauyuq 2005-mi.

Nunatarhimayunut
Pivikhautit
Tingmijutit Iluvirhiniaqtunut
Una ikayuut tunihivaktuq tingmitjutikhanik
malruungnut Nunatarhimayunut
ilagiiktunut upautiumayunik iluvihiniaqtunut
ilamingnik allami nunalignmi
Nunavunmi.
Atauttimut $28,800 tuniuqqaqtauyuq
Nunatarhimayunut Tingmijutit Iluvir -
hiniaqtunut Pivikhaunmit 2005/06
ukiumi.

Huiyuqittunik Takuyaqtuiyut
Tingmitjutikhanut Pivikhaut
Una ikayuut tunihivaktuq malruungnut
ilagiiktunut takuyaqtuiyumayunik ilamingnik
annialiqpiaqtumik huiyuqiliqtumik.
Una ikayuutauvaktuq 10% manikhaq
atuqtauvakhuni inungnit pularumayunut
iluvinginnik ilamikkik Autsaimi.
Atauttimut $32,000 tuniuqqaqtauyuq
Nunatarhimayunut Huiyuqittunik Taku -
yaqtuiyut Tingmitjutikhanut Pivik ha -
unmit 2005/06 ukiumi.

Nunatuqaminut Aularut
Pivikhaut
Nunatuqaminut Pivikhaut ikayuutauyuq
(atauhiakhuni ilagiiktunut) aularutikhak
avatqungitlugu $500 inungmut uvvaluuniit
$5,000 ilagiiktunut (kitulikak akikitqia)
pularumayunut nunatuqamingnut.
Atauttimut $57,500 tuniuqqaqtauyuq
Nunatarhimayunut Nunatuqaminut Pivik -
haunmit 2005/06 ukiumi.

Atiliuriniq
NTI kamayiuyuq atiliurinirmik inungnik
Nunatarhimayunik Nunatarunmut.
Hamna aulayauyuq NTI-kunit Atiliu -
riyikkut havaktuliriyitkuni Nunalingnilu
Atiliurinirmut Katimayigalaatigut. Tisam -
pakkut 2005, 26,500 atiliurhimayut Nunavut
Nunatarutaanut.
Ukiuq tamat, Atiliuriyit makpigaliuqpaktut
titigaqhugit tamaita Nunavut
Nunatarutaagut Nunatarhimayunik.
Nau naittumik titigaqtauyut itqumangmangata
naunainnaqtumiglu nutaat Nunatarhimayut
naunaitkutait tamaqhimannginamangata,
NTI ilihivaktut Nunavut
taiguakhaliugainni januali 2006-mi apir -
hukhugit Nunatarhimayut tuyuquplugit
NTI-mut nutaanik iliyauyukhanik atiliurvikmut:
titiqqilviit, allanngurniit ihuarhaqniillu
inuit atiit, anniviit, qanurlikak.
Uvalu, Nunalingni Atiliurinirmut
Katimayigalaat tuyuqtauplutik hadjauyuq
atuqtauyunik titigaqhimayunik Nuna -
taqhimayutigut nunalingmingni Nuna -
tarhimayut ihivriuriyamingni atiliuqtauhimayunik
makpigaliuqtautinagit nau -
naitkutillu aulaqtitautinagit.
Nunalingni Atiliurinirmut Katimay -
igalaat ikayuqpagait Atiliuriyit nutaanguqtiqhimaahugit.
Katimaliqpaktut malguiqturhugu
ukiuq ihviriugiplutik atiliurumayutinik.
Angitqiat nunaliit katimaqaqtatqiat.
Atiliuriyit nutaamiglu makpigakhaliuliqtut
ilitturitjutikhainnik Nunatar -
himayut haffuma atiliurniup mighaagut.
Tuniuqqaqtauniaqtut makpigat Nuna -
tarhimayunut nutaat naunaitkutait himmautailluuniit
aulaqtitaukpata.
Atiliurinirmullu taiguakhat taiguinarialgit
qarittauyakkurviani NTI. Atiliur -
himayut talvani ittut, katimayigalaallu
titiqallu iniqtigakhat allallu turangayut
Atiliurnirmut.