Nanmniiq Pivalliayulirinirlu

Nanminiq Pivallianiglu havakpaktut
Inuitpiumayainnik amihuni Nunavut
pivallianiani 2005.06-mi.
Hivituyumik ihivriurivaktut Inuit
Nanminiqaqtut Atiliurviannik. Hitamat
unnguvaktauyut allanngurmata nanminiqaqtut
28-tauq unnguvaktauplutik
aulayungnaikmata tuhakvigiyuminaikmataluuniit.
34 nutaat nanminiit iliyauyut
2005/06-mi.
Havarvik havaqatigivagait GN-kut
Nanminiqaqtunut Nunavunmi Ikayuut -
iligiyit nutaannguqtiqhugu Atuagak.
Tamaitavyak allannguqtigutit angiqtauyut
2003-mi. Ilangit allannguqtigutit,
NTI-aip angigutiginngittagaluangit, nut -
qaq titauyut. Nutaaq ilautiyauniaqtuq atuagamut
qanuq uqaqatiqarnirmik NTIkunik
hivunikhami allannguqtigutigut.
GN-kut Kantraktigut Unipkangit
2004/05-mut takuhiugutauyuq ikikliyumiqtunik
atauttimut akiinnik GN-kunit
kantrat tuniyauvaktut Inuit nanminiinnut
2000/01-mit. NTI kiuyauyumayuq huuq
katagiakhaita.
NTI naunaikhihimayullu huiqnianik
Pat Lyall kivgaqtuivaktumik NTI-kunit
tikkuaqtauhimapluni NNI Ihuiguhuutinik
Nalaktini Katimayini (timingurhimayuq
nalaktukhat kantraktigut tuniyauhimayunik).
John Ningark tikkuaqtauhimayuq
NTI-kunit Januali 2006 himmauhikhugu
Mr. Lyall.
April 26, 2005-mi Ethel Blondin-
Andrew, Ministaugaluaq Ukiuqtaqtumi
Pivallianirmut uqarhimayuq Nunaqaq -
qaqtuliriyit aivagutiginiagaat halum-
matirinirmik angirutikhamik tuqunnaqtulingnik
munaqtamingnik, angirutitut
aivaqtauhimayuq Anguyaktuliriyitkunit
NTI-kunillu. Hivullirmik uqaqqahutik,
NTI-kut Hivulliq Angiyuqqap Tuglia
James Eetoolook tikkuaqtaupluni NTI-kut
aivaqtikhat NTI-kut Katimayuarniani.
Kihimi, pilluaqtumik aivagutingittut NTIaiplu
nipliutigivagat Nunavut Atang uyat
Havakhutik Katimayinni March 2006-mi.
Havarvik nunalingi katimapkaivaktut
Nunaqaqqaqtuliriyitkut tuqunnaqtuqaqtunik
halummailguqaqtunik Ekalugartmi
Sarcpamilu. Katimaplutik Qikiqtarjuami,
Sanigajangmi Iglulingmilu.
Katimavaktut Nunavut Maniliurnirmut
Ihivriuriyit Atuvami Tisampa 2005-mi.
Ukuat Ihivriuriyit manikhautait $2.1
milianik ukiuq tamat pivaktagaluangit
Nunavut Puuqtuiyitkunit, nunnguyut
2004/05-mi. Nunavut Puuqtuiyit angiqtut
nutaanguqtigutinik maningnik $2.1
milainik 2005/06-mut akituvallaaktailitjuitkhat
naniyauttaqqata. Hamna uqariyauyuq
Inuit Katujiqatinginit. Manikha -
qarniaqtut ukiuni manngit kaffiuniit
ihivriuqtaulutik ukiuq tamat.
NTI tunihihimayuq $40,000-mik
Nunavut Pivalliayulirinirmut Katimay -
innut 2005/06-mut. Katimaryuaqpaktut
Iqalungni June 2005-mi. NTI-kuni
Pivalliayuliriyit Atanguyaat Monica Ell
vutiqtauffaktuq Angiyuqqaq ukununga
katimayinut Katimaryuaqtuni.
Havaktullu ilauvakhutik GN-kut hanan -
ngurnirmut apquhiugaannut, Sanaugait.
Monica Ell Kimmiruliaqpaktuq ilagiplugit
hananguqtit, ilihaiyit pulagaktuliriyit
gavamat allallu July 2005-mi. Sanaugait
havittauniakhimayuq 2006-mi.
Havarvik tunihihimayuq $40,000-mik
Nunavut Hanaguanirmut Katujiqatin -
nginnut ikayurniarhutik Nunavunmi
Hanannguanik Takuhiuritillugit Saptampa
2005-mi, $15,000-miglu Ajjiit Nunavunmi
Tuhagakhalirinirmut katujiqatiginut
ikayurniarhutik Nunavut Piksasuutigut
Quviahunmut April 2005-mi.
Havarviglu ilaupluni Nunavut Pulagaqtaqtuliriuni,
ikayurniarhimayuni pulagaktarniup
naunianut Nunavunmi.
Hamna inirutauyuq Hunngiyaihimait -
tumik Ukiuqtaqtumi Pulagaktarnirmik.
Hamna hilaryuami niuvrutauyuq iliharutauplunilu
Ukiuqtaqtumi pulagaqtaliriuni.
Alguyaqtutit akitturnia, aulagutauyuq
Capital Stabilization Fund-mik atuqtauliqtuq
Qulliq Kuapurisatkunit. NTI
uqariakturhimayut Iglutuutit Akiinnik
Ihivriuriyinut Aagasimi 2005. Ihivriuriyut
kinguagut ihuaginngitaat Qullitkut
ihumagiyat.