ᔮᓂ ᐃᖃᓗᒃ ᑭᖑᓪᓕᖅᐹᒥ ᓂᐅᕐᕈᓯᒪᔪᖅ ᐃᓄᔾᔪᐊᕐᒧᑦ 1972-ᖑᑎᓪᓗᒍ ᐃᓅᒍᓐᓃᓛᓕᖅᓱᓂ 1973-ᒥ ᖃᐅᓱᐃᑦᑐᕐᒥ. ᔮᓂᒃᑯᒃ ᓄᓕᐊᕇᒃ ᒥᓂᒃᑯᒃ ᓄᑦᑎᓚᐅᖅᓯᒪᔫᒃ ᖃᐅᓱᐃᑦᑐᕐᒧᑦ 1955-ᒥ ᐅᐸᑦᓱᑎᒃ ᐸᓂᒻᒥᓂᒃ ᓯᐅᕋᒥᒃ, ᓄᑦᑎᓚᐅᖅᓯᒪᔪᒥᒃ 1953-ᒥ, 16-ᓂᒃ ᐅᑭᐅᖃᖅᓱᓂ ᐅᐃᒥᓂᒃ ᒪᓕᑦᓱᓂ ᓰᒥᐅᓂ ᐊᒪᕈᐊᓕᒻᒥᒃ. ᔮᓂᒃᑯᒃ ᒥᓂᒃᑯᒃ ᑎᑎᕋᖅᑐᒥᓂᐅᒐᓗᐊᒃ ᓰᒥᐅᓂᕐᒧᑦ ᐊᕐᕌᒍᕐᒪᑦ ᓄᑦᑎᓚᐅᖅᑎᓪᓗᒋᑦ ᖃᓄᐃᒻᒪᖔᑕ ᐊᐱᖅᓱᖅᓱᑎᒃ. ᑭᓯᐊᓂ ᑎᑎᖅᑲᐃᑦ ᑎᑭᓚᐅᖅᓯᒪᓐᖏᑦᑐᑦ ᓰᒥᐅᓂᕐᒧᑦ, ᑎᑎᕋᖅᑐᒥᓂᐅᒐᓗᐊᖅ ᔮᓂᒃᑰᓐᓄᑦ ᒥᓂᒃᑰᓐᓄᑦ ᖃᐃᒐᓱᐊᖁᓇᒋᒃ ᓂᕆᐊᓇᓐᖏᑦᑐᓂᒃ ᐊᑐᑎᓂᕋᖅᓱᓂ, ᑎᑎᖅᑲᓂᒃ ᑭᓯᐊᓂ ᐱᓐᓂᖏᒻᒥᔪᑦ, ᑐᓴᖅᑐᒥᓂᐅᒐᓗᐊᓪᓕ ᐸᓖᓯᒃᑯᓐᓂᒃ ᓰᒥᐅᓂᒃᑯᑦ ᐃᓚᒌᑦ ᖁᕕᐊᓱᑦᓯᐊᕆᐊᖏᑦ ᑎᑭᖁᓕᔪᐹᓘᒋᐊᖏᓪᓗ ᓴᑭᒃᑯᒥᓐᓂᒃ ᖃᐅᓱᐃᑦᑐᕐᒧᑦ.
ᐊᑐᐃᓐᓇᐅᑎᑕᐅᓐᖑᐊᑕᖅᓯᓐᓇᖅᑐᑦ ᐃᓕᓴᐱ ᐊᓚᒃᑲᕆᐊᓪᓚᒃ ᕌᕗᑦᔅ-ᒧᑦ