ᓄᓇᕗᑦ ᑐᓐᖓᕕᒃ ᑎᒥᖓ ᐅᓪᓗᒥ ᓴᖅᑮᔪᑦ ᐊᑎᖃᖃᑕᐅᔪᓄᑦ ᐱᓇᓲᑎᒃᓴᓂᒃ ᐊᓐᖑᑎᓯᒪᑦᓯᐊᖁᓪᓗᒋᑦ ᑐᓐᖓᕕᒃᑯᑦ ᓂᕈᐊᕈᓐᓇᖅᑐᑦ ᐊᑎᖏᑦ ᓂᕈᐊᓐᓇᓚᐅᓐᖏᓐᓂᖓᓂ ᐊᖓᔪᖅᑳᑉ ᑐᒡᓕᐊᓄᑦ ᑏᓰᒻᕙ 8, 2014. ᐃᓄᐃᑦ ᐅᑭᐅᖅᑖᕐᓯᒪᔪᑦ 16-ᓂᒃ ᑏᓰᒻᕙ 8, 2014-ᒥ ᐊᒻᒪᓗ ᐊᑎᖃᖃᑕᐅᔪᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᓂᕈᐊᕈᓐᓇᖅᑐᑦ ᐊᑎᖏᓐᓃᖃᑕᐅᔪᑦ, ᖃᐅᔨᒪᒍᑎᓂ ᓂᕈᐊᕈᓐᓇᕐᓂᖏᓐᓂᒃ ᑐᓐᖓᕕᒃᑯᑦ ᓂᕈᐊᖅᑎᑦᓯᓂᖏᓐᓂ. ᐃᓄᐃᑦ ᖃᐅᔨᒋᐊᕈᒪᔪᑦ ᑕᑯᒋᐊᕈᓐᓇᖅᑐᑦ ᑐᓐᖓᕕᒃᑯᑦ ᐃᑭᐊᖅᑭᕕᖓᓄᑦ ᐅᕗᖓ voterslist.tunngavik.com ᓂᕈᐊᕈᓐᓇᖅᑐᑦ ᐊᑎᖏᓐᓃᖃᑕᐅᒻᒪᖔᕐᒥᒃ ᐊᒻᒪᓗ ᑐᑭᓯᒋᐊᒃᑲᓐᓂᕈᒪᒍᑎᒃ ᓂᕈᐊᕈᓐᓇᖅᑐᑦ ᐊᑎᖏᓐᓂ ᐊᑎᖏᑦ ᑕᒻᒪᕐᓯᒪᓐᖏᒃᑲᓗᐊᕐᒪᖔᑕ.
ᓂᕈᐊᕈᓐᓇᕋᓱᒋᒍᕕᑦ ᓂᕈᐊᕐᓂᐅᓂᐊᖅᑐᒧᑦ ᑏᓰᒻᕙ 8, ᐊᑎᓕᐅᖅᑕᐅᖃᑕᐅᓯᒪᓇᒃ, ᐊᑎᖃᖃᑕᐅᔪᓂ ᐊᑎᓕᐅᖅᑕᐅᓯᒪᓐᖏᑐᐃᓐᓇᕆᐊᖃᖅᑐᑎᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ, ᖃᐅᔨᒋᐊᕐᕕᒋᒍᒃ ᓄᓇᓕᖕᓂ ᑐᖅᑲᑕᕐᕕᒋᔭᓯ ᒪᓂᒪᑎᑦᓯᔪᖅ ᑖᒃᑯᓂᖓ. ᓄᓇᓕᖕᓂ ᐊᑎᖃᖃᑕᐅᔪᓕᕆᔩᑦ ᑲᑎᒪᔨᕋᓛᖏᑦ ᐊᑐᓂᑦ ᓄᓇᓕᖕᓂ ᑲᒪᒋᔭᓖᑦ ᕿᒥᕐᕈᓇᓐᓂᕐᒥᒃ ᑐᒃᓯᕋᐅᑎᓂᒃ ᐊᑎᖃᖃᑕᐅᔪᓄᑦ.
ᐃᓄᐃᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᖃᐅᔨᒋᐊᖁᔭᑦ ᐊᑎᖏᑦ ᑕᒻᒪᕐᓯᒪᓐᖏᒃᑲᓗᐊᕐᒪᖔᑕ ᐊᒻᒪᓗ ᑎᑎᕋᕐᓯᒪᓂᖏᑦ ᐊᔾᔨᒋᒐᓗᐊᕐᒪᖔᒋᑦ ᐃᓅᓕᕐᕕᑦᓯᐅᑎᖏᓐᓄᑦ ᓇᓗᓇᐃᒃᑯᑕᓄᑦ. ᐃᓄᐃᑦ ᖃᐅᔨᒋᐊᖁᔭᑦ ᓄᓇᓕᖕᓅᖓᓂᖏᑦ ᑕᒻᒪᕐᓯᒪᓐᖏᒃᑲᓗᐊᕐᒪᖔᑕ. ᖃᐅᔨᒪᒋᐊᖃᖅᑐᑎᑦ ᓄᓇᓕᖕᓅᖓᓃᑦ ᐊᑎᖃᖃᑕᐅᔪᓄᑦ ᐃᓚᓕᐅᔾᔭᐅᒋᐊᓐᖓᑎᓪᓗᑎᑦ ᑎᑎᕋᖅᑕᐅᕕᓂᐅᒐᔪᑦᑐᖅ ᐅᕝᕙᓘᓐᓃᑦ ᓄᓇᒋᒋᐊᓐᖓᕐᓯᒪᔭᖓ ᐃᓚᕕᑦ. ᒫᓐᓇ ᓄᓇᒋᓕᖅᑕᐃᑦ ᑖᓐᓇᐅᔾᔮᖏᑦᑐᖅ.
ᖃᐅᔨᒪᔭᐅᔾᔪᑎᑎᑦ ᓇᓕᖅᑯᑦᓯᓯᒪᑦᓯᐊᕐᐸᑕ, ᑲᒪᒋᒋᐊᑐᓐᖏᑕᑎᑦ. ᑕᒻᒪᕐᓯᒪᑉᐸᑕ ᑎᑎᕋᖅᑕᐅᓯᒪᓂᖏᑦ, ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᒍᓐᓇᖅᑕᐃᑦ ᑐᓐᖓᕕᒃᑯᑦ ᐊᑎᖃᖃᑕᐅᔪᓕᕆᔨᖓ ᒫᒡᒍᓚᑦ ᑯᓱᒐᖅ ᐅᕗᖓ
ᑎᑎᕋᑦᓯᐊᕆᐊᕐᓗᒋᑦ ᑕᒻᒪᕐᓯᒪᔪᑦ. ᐅᖄᓚᕕᒋᔪᓐᓇᕐᒥᔭᐃᑦ ᒫᒡᒍᓚᑦ ᑯᓱᒐᖅ ᐅᕗᖓ 867-645-5400 ᐊᑭᖃᓐᖏᑦᑐᒧᓪᓘᓐᓃᑦ 1-888-236-5400. ᐃᓄᐃᑦ ᖃᐅᔨᒋᐊᕈᓐᓇᕐᒥᔪᑦ ᓄᓇᓕᖕᓂ ᑐᖅᑲᑕᕐᕕᖕᒥᓄᑦ ᓇᓗᓇᐃᕐᓯᒋᐊᖅᑐᕐᓗᑎᒃ ᑕᒻᒪᕐᓯᒪᔪᓂᒃ.
ᓂᕈᐊᕈᓐᓇᖅᑐᑦ ᐋᖅᑭᒋᐊᕆᔪᓐᓇᕐᕕᓖᑦ ᐆᑦᑑᕝᕙ 24, 2014-ᒧᓄᑦ ᐊᓐᖑᑎᑎᑦᓯᒋᐊᕐᓗᑎᒃ ᓂᕈᐊᕈᓐᓇᖅᑐᑦ ᐊᑎᖏᓐᓂᒃ ᐋᖅᑭᒋᐊᕆᒍᒪᒍᑎᒃ.
