ᑐᓴᕋᑦᓴᓕᕆᔩᑦ

ᑐᓐᖓᕕᒃᑯᑦ ᖃᐅᔨᓇᓱᐊᖅᐳᑦ ᐃᓄᖕᓂᒃ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᕙᕆᐊᕈᑎᑖᕐᓂᕐᒥᒃ

Released | July 16, 2012 |  Print this article

ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐊᑭᓖᒍᑎᒃᓴᓄᑦ ᐊᖏᖃᑎᒌᒍᑕᐅᓯᒪᔪᓂ, ᑎᑎᕋᕐᓯᒪᒻᒪᑦ ᐊᑐᖅᑕᐅᒋᐊᖃᕐᓂᖏᑦ ᐊᒥᐊᒃᑯᑦ ᑮᓇᐅᔭᖅᑑᑎᒃᓴᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐊᑭᓖᒍᑕᐅᓚᐅᖅᑐᓂᒃ ᑮᓇᐅᔭᓂᒃ ᑐᕌᖔᖅᑎᑕᐅᓗᑎᒃ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᐸᕆᐊᕈᑎᑖᕐᓂᕐᒥᒃ ᐃᓕᓐᓂᐊᓂᒃᑯᑦ.

 

ᓄᓇᕗᑦ ᑐᓐᖓᕕᒃᑯᑦ ᐊᒻᒪᓗ ᐊᓯᖏᑦ ᓄᓇᖃᖅᑳᕐᓯᒪᔪᑦ ᑲᑐᔾᔨᖃᑎᒌᖏᑦ ᒫᓐᓇ ᐊᐃᕙᔾᔪᑎᓖᑦ ᐊᑐᖅᑕᐅᒋᐊᓕᖕᓂᒃ ᒪᓕᒐᑦᓴᖏᓐᓂᓪᓗ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᐸᕆᐊᕈᑎᑖᕐᓂᕐᒧᑦ ᐃᓕᓐᓂᐊᓂᒃᑯᑦ ᒐᕙᒪᑐᖃᒃᑯᓐᓂᒃ.

 

ᐊᑕᐅᓰᖅᑐᒥᒃ ᐊᑐᕋᑦᓴᐅᔪᑦ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᐊᑐᕋᑦᓴᖅ $3,000 ᑮᓇᐅᔭᐅᔾᔮᖏᑦᑐᖅ ᑮᓇᐅᔭᒃᓴᐅᔾᔮᒐᓂᓗ, ᑭᓯᐊᓂᓕ ᐊᑐᕋᑦᓴᒫᑐᐃᓐᓇᐅᓂᐊᖅᑐᖅ ᐃᓕᓐᓂᐊᕕᖕᒧᑦ ᐊᑭᓕᐅᑎᒃᓴᐅᓗᓂ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᒧᑦ ᐃᓕᓐᓂᐊᕐᕕᐅᔪᒪᔪᒥ. ᐃᓕᓐᓂᐊᖅᑎᒥᓃᑦ ᓄᓇᕗᒻᒦᖔᖅᑐᑦ ᐊᑐᕈᓐᓇᓂᐊᖅᑕᖓ ᐃᓕᓐᓂᐊᑲᓐᓂᕐᕕᒋᔪᒪᔭᒥᓄᑦ, ᐊᒻᒪᓗ ᐃᓕᓐᓂᐊᓂᕐᒧᑦ ᐃᓄᐃᑦ ᐊᑐᕐᓯᒪᔭᖏᓐᓂᒃ, ᐃᓕᖅᑯᓯᖏᓐᓂᒃ ᐊᒻᒪᓗ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᖅᑕᐅᕙᑦᑐᓂ ᐃᓕᓐᓂᐊᓂᕐᒧᓪᓗ.

 

ᐃᓕᓐᓂᐊᕐᓂᖅ ᐃᓕᖅᑯᓯᕐᒨᖓᑦᓯᐊᕋᓗᐊᕐᒪᖔᖅ ᐊᑐᐃᓐᓇᐅᑦᓯᐊᕐᓗᓂᓗ ᓄᓇᕗᑦ ᐃᓄᖏᓐᓄᑦ, ᑐᓐᖓᕕᒃᑯᑦ ᖃᐅᔨᓇᓱᐊᖅᑐᑦ ᐃᓕᓐᓂᐊᕆᐊᖅᑕᐅᕙᓚᐅᖅᑐᒥᓂᕐᓂᒃ ᖃᓄᖅ ᐃᓕᓐᓂᐊᖅᑏᑦ ᐊᑐᕈᒪᒻᒪᖔᑕ ᑖᒃᑯᓂᖓ ᑮᓇᐅᔭᖅᑑᑎᒃᓴᓂᒃ, ᐊᒻᒪᓗ ᖃᐅᔨᓇᓱᐊᕐᓗᑎᒃ ᓇᓕᖏᓐᓂᒃ ᐊᑐᖅᑕᐅᓯᒪᔪᓂᒃ, ᐅᖃᐅᓯᕐᒥᒃ ᐊᒻᒪᓗ ᐃᓕᖅᑯᓯᕐᒨᖓᔪᓂᒃ ᐃᓕᓐᓂᐊᓂᕐᓂᒃ ᐊᒻᒪᓗ ᐃᓕᓐᓂᐊᒐᑦᓴᓂᒃ ᐊᑐᐃᓐᓇᐅᑎᑦᓯᒋᐊᖃᕐᓂᐊᕐᒪᖔᑕ ᑮᓇᐅᔭᖅᑑᑎᒃᓴᓂᒃ.

 

ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐅᖄᓚᖁᔭᐅᔪᑦ ᑐᓐᖓᕕᒃᑯᑦ ᒪᓕᒐᕐᓂᐊᖅᑎᖓᓄᑦ ᓵᓐᑐᕋ ᐅᒥᒃ ᐅᕗᖓ ᐅᖄᓚᐅᒻᒧᑦ (867) 975-4900 ᐅᕝᕙᓘᓐᓃᑦ 1-888-646-0006.

 

ᖁᑉᕙᕆᐊᕈᑏ ᓄᒃᑎᕋᑦᓴᐅᓂᐊᖅᑐᑦ ᓇᖕᒥᓂᕆᔭᖏᓐᓄᑦ ᐃᓚᖏᓐᓄᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᖅ ᐊᑐᕈᓐᓇᖏᑉᐸᖏᑦ ᓇᒻᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᕙᕆᐊᕈᑎᑖᕈᑎᒃᓴᑦ. ᑖᓐᓇ ᐊᐅᓚᑕᐅᔪᖅ ᐊᑐᐃᓐᓇᐅᔪᖅ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐊᑭᓕᖅᑕᐅᓚᐅᖅᑐᓄᑦ ᐊᑭᓖᒍᑕᐅᓚᐅᖅᑐᓂᒃ ᐊᖏᕈᑎᒃᑯᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ.

 

ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᕙᕆᐊᕈᑎᑖᒃᓴᖅ ᐊᐅᓚᓂᐊᖅᑐᖅ ᓯᑉᑎᒻᕙ 19, 2012-ᒥᒃ ᔭᓐᓄᐊᓕ 1, 2015-ᒧᑦ.

ᑐᓐᖓᕕᒃᑯᑦ ᖃᐅᔨᓇᓱᐊᖅᐳᑦ ᐃᓄᖕᓂᒃ ᐃᓕᓐᓂᐊᖅᑕᒥᒍᑦ ᓇᖕᒥᓂᕐᒥᓄᑦ ᐱᕚᓪᓕᕈᑎᒃᓴᒥᓄᑦ ᖁᑉᕙᕆᐊᕈᑎᑖᕐᓂᕐᒥᒃ (pdf)