Pivalialigiyit Havakviit
Kavamatkut Nunavunmi, Nunavut Tunngavikkut Timingat ikayuqtauyumayut Nunavunmiunit niqighailliuqniq mighivaallirumaplugu
Released | October 18, 2010 | No Comments | 
Print this article
IQALUIT, Nunavut (October 18, 2010) - Taamna Nanngariyauyuq Eva Aariak, Hivuliqti Nunavunmi, taamnalu James Eetoolook, Angayuqqaannguaq, Nunavut Tunngavikkunnut, uplumi uqaqhimayut taimaa katittutik niqighailliuqniq akihaqturahuaqtaat Nunavunmi. Tamangnik Nunavunmiunik ilauquiyut.
“Niqighailliuqniq mighivaallirumayaat irinahughutik kavamatkut,” uqaqtuq Hivuliqti Aariak. “Niqighailliuqniq mihingnaqtuq tamaptingnut, imaalu katitkupta tamapta akihaqtulaaqtaqqut. Katilluta Nunavut parnaiyailiqtughat mighivaallirumagumitku niqighailliuqniq ukiuk malruk atuqtughanit, niqighailliuqniq nutqaqtinnahuaqlugu kinguani.”
James Eetoolook uqaqtuq taimaa NTI-kut havaqatigihimayumayait kavamatkut niqighailliuqniq mighaagut hapkua tuhaqtitauhimagamik March-mi ukiumi. “NTI-kut imaa havaqatigiyumainnaqtait kavamatkut ahiillu havaqatigiiktut parnaiyailutik aullaqtittilutiklu niqighailliuqniq mighivaallirahuaqhugu Nunavunmi,” uqaqhimayuq.
Niqighailliuqniq mighivaallirahuaqniqmut uuktuqtaghaat iniqtaunahuaq 2011 nungutpat. Pingahunik atuqtaghalik: nunallaanit tamangnik tuhaqtittinahuat; aviktuqhimayunit katimatjutigilugit; imaalu, kingulliqpaamik katimapkailutik niqighailliuqniq mighaagut Iqalungni. Hapkua iniqtaukpata parnaiyaihimaniaqtut aullaqtittihimaniaqtullu niqighailliuqniq mighivallianahuaqlugu Nunavunmi.
Hapkua havaariyauniat hivuliqtinit katimayinit kivgaqtiuyut kavamatkunnit, Inuit katimaqatigiinit, kiinauyaqhiunngittunit katimaqatigiinik nanminiqaqtunitlu nunallaanit. Kiinauyaliuqniqmut Ingilratjutiliqiyitlu Minista Peter Taptuna kivgaqtuinahuaq Kavamatkunnik Nunavunmit.
“Ukiuq atuqtillugu tuharumayugut tamangnit Nunavunmiunit niqighailliuqniq mighaagut nunallaaptingnit,” uqaqtuq Taptuna. “Niqighailliuqniq mighivaallirahuaqhugu parnaiyaittiarupta inittiaqniaqtuugaluaq havaqatigiikkumik inuit tamangnik: inuit, kiinauyaqhiunngittut, nanminilgit, Inuit katimaqatigiit kavamatkullu tamatkiumayutut.”
Hivuliqti Aariak taamnalu Angayuqqaannguaq Eetoolook titiraqhimayut tamangnut nunallaanut katimaqatigiyumaplugit nunallaat tuhaqvigiyumaplugit niqighailliuqniq mighaagut. Katimavagahuat nunallaanit tamangnit tatqiqhiutit hitamat atuqtughanit tuhaqvigiyumaplugit tamangnit nipiit.