Pivalialigiyit Havakviit
NTI Forum Uranium Kuapurisanlu Atiliuqtuk Kangiqhiatjunmik Angirunmik
Released | December 8, 2008 | No Comments | 
Print this article
(Tisampa 8, 2008 – Iqaluktuttiaq, Nunavut) Nunavut Tunngaviup Hivulliq Angiyuqqap Tuglia James Eetoolook uplumi tuhaqtittiuq NTI atiliuqtut Kangiqhiatjunmik Angirunmik tapkunanga Forum Uranium Kuapurisatkunit tunihiplutik piyunnautinik nalvaqhiurutikhamik hivungani Inuit Nanminiq Nunaqutainni BL-21-mi.
“NTI Katimayiit qangiqhimayaaq Uraniumtigut Atuagaq Saptampa 2007-mi, uvagut aghut havaktugut atulirniaqhugu una atuagaq. Quviahuktunga atiliugapta uminga Kangiqhiatjunmik Angirunmik tapkunanga Forum Uranium Kuapurisatkunit.” uqaqtuq Eetoolook. Forum Uranium-kugiit nakuuyut paannakhat, talvaniittut Thelon iluani, hakugiktunik havaktilgit nakuuqpiaqtumiglu ilihimayauyut munaqhiyit nalvaaqhiurutimingnik.”
Tamna nuna 60 kilometers ittuq ualiniani Qamani’tuamit 20 kilomaters-lu kivataani Kiggavingmit talvani AREVA Resources Canada Inc. naunaiqhihimayut nunamiuttanik 148 milian pauns-nik uranium-mik. Tamna nuna piyauhimayuq Inungnit Nunavut Nunatarutata Angirutaanik aivaqtillugit ilihimayaunianit uraniumqarnianit angiyumik.
Ilitturiyumirumaguvit mighaagut Angirutip NTI-kuluuniit Uraniumtigut Atuagaanik hivayarlugu:
Franco Buscemi
Ikayuqti Atanguyamut Tuhaumatittiyini
Nunavut Tunngaviup Timinga
Talafun: (867) 975-4939
Akiittuq: 1-888-646-0006
fbuscemi@tunngavik.com